நல்லிணக்க நாயகர்கள்-1

முருகன் கோயிலுக்குத் தோப்பு அளித்த ராவுத்தர்கள்

வரலாற்றுத் தகவல்

இடம்: காஞ்சிபுரம் மாவட்டம், செய்யூர் வட்டம், சென்னை – புதுவை கடற்கரைச் சாலையில் உள்ள இடைக்கழி அருகில் இருக்கும் நயனார் குப்பம் பேருந்து நிலையத்திலிருந்து கி.மீ. தூரத்தில் உள்ள தோப்பில் நடப்பட்ட தூண்.
காலம்: விஜயநகர மன்னர் மூன்றாம் ஸ்ரீரங்க தேவமகாராயர் காலம் (1642–1655), கி.பி. 1645 : தாரண வருடம்.
செய்தி: விஜயநகர மன்னர் காலத்தில் அப்பகுதியை வெங்கலப்ப நாயக்கர் நிர்வாகம் செய்து வந்தார். அவரது அலுவலர் குயீசனா ராவுத்தர். அவரது புண்ணியமாக நயனார் குப்பத்தை அமரக் கிராமமாகப் பெற்றிருந்த தெகனா ராவுத்தர், நல்லன் ராவுத்தர், அல்லி ராவுத்தர், கான் ராவுத்தர் ஆகிய நால்வரும் அருகில் செய்யூரில் உள்ள கந்தசாமி கோயிலுக்குத் தென்னை, மா, பலா மற்றும் பல மரங்கள் அடங்கிய தோப்பு ஒன்றை கொடையாக அளித்தனர். அந்நிலமும் குடிகளும் கொடையாகக் கொடுக்கப்பட்டன.
எச்சரிக்கை: இதற்குத் தீங்குச் செய்தவர்கள் தாய், தகப்பன், குரு, கங்கைக்கரையில் காராம் பசுவையும் கொன்ற பாவம் அடைவார்கள் என்று எழுதப்பட்டுள்ளது.
தூண் அமைப்பு: தூண் அடி உயரமுள்ளது. தூணின் உச்ச வளைவாய் கிணறு அல்லது ஏற்றத்தின் தூணாக இருக்கலாம்.